Janë disa figura të rëndësishme të Partisë Demokratike që nuk janë përfshirë në listën e preferuar të kandidatëve për zgjedhjet parlamenatre më 25 prillit. Mes tyre janë Ervin Salianji, Romeo Gurakuqi dhe Luan Baçi.
Por çfarë mendon Sali Berisha për këto figura dhe lënin jashtë të tyre?
Gjatë emisionit “Hard Talk nga Roland Qafoku”, Berisha u pyet: Disa emra si Ervin Salianji, Romeo Gurakuqi, Luan Baçi nuk janë pjesë e saj listës fituese të përzgjedhur nga Komisioni i Vlerësimit të deputetëve. Cili është mendimi juaj?
Ish-kryeministri u përgjigj: Unë kam një vlerësim të padiskutueshëm për procesin dhe për punën e bërë deri më sot. Rikujtoj këtu se ky proces i cili më parë bëhej nëpërmjet aktiveve të PD. Komisioni i ngarkuar nga kryetari apo Kryesia e PD ka marrë në shqyrtim 1600 propozime. Kjo tregon shkallën e lartë të besimit që ekziston në potencialin e madh që PD disponon sepse nga kjo shumësi ka prej tyre personalitete te PD, aktivistë të saj, por edhe personalitete që vijnë nga shoqëria civile. Komisioni i përzgjedhjes çfarëdo që të bënte në vlerësimin tim nuk mund të dilte jashtë teorisë së gabimit. Asnjë instancë, asnjë forum, nuk operon doy jashtë gabimeve. Por në tërësinë e vet ai ka bërë një punë të admirueshme. Ka një gjë themelore për çdo forcë politike. Ka një kriter që ai është gjithmonë kriteri i drejtimit të partisë politike. I organeve drejtuese të partisë politike. Ky është kriteri politik. Në këtë kontekst natyrisht fjalën përfundimtare apo listën përfundimtare të deputetëve të PD është pa asnjë mëdyshje vepër e kryesisë së PD, kryetarit dhe Këshillit Kombëtar të saj. Në vendin ku primare janë më të konsoliduara se kudo tjetër në fund pastaj, voton konventa për kandidatin përkatës të partisë të dhënë. Dhe në konventë mund të paraqiten dy kandidatë dhe ai që merr vota më shumë zgjidhet si kandidat kryesor.
