Komisioni i Ligjeve do të shqyrtojë të martën me 27 tetor dekretin e Presidentit Ilir Meta për kthimin e ndryshimeve të Kodin Zgjedhor.
Presidenti i ktheu ndryshimet me 23 tetor me argumentin se e ato cenojnë parimin e procesit të rregullt ligjor, si dhe të drejtën për të zgjedhur e për t`u zgjedhur, e mbi të gjitha parimin e barazisë së votes.
Gjithashtu Meta i kërkoi Komisionit të Venecias opinion në lidhje me ndryshimet e Kodit Zgjedhor.
Eurokomisioneri për Zgjerimin Oliver Varhelyi dhe disa europarlamentarë i bënë thirrje Ramës të mos miratojë ndryshimet përpara opinionit të Komisionit të Venecias.
Ndërkohë kryeministri Rama paralajmëroi rrëzimin e dekretit të Metës nga Parlamenti.
