Rritja e infeksioneve në Itali ka bërë që qeveria të marrë masa të reja shtrënguese në ato rajone ku Covid-19 po përhapet me shpejtësi. Ndërkohë, është kërkuar që mos të bëhen tamponë për asimptomatikët. Por sipas mikrobiologut, Andrea Crisanti kjo do të ishte një katastrofë e vërtetë.
“Kushdo që përhap virusin duhet të dëbohet menjëherë. Rajonet duan të heqin përgjegjësinë për këtë katastrofë dhe të kërkojnë nga qeveria të vërtetojë pafajësinë e tyre. Asnjëherë s’kam parë një përqendrim të tillë të demagogjisë dhe populizmit. Përjashtimi i asimptomatikëve nga gjurmimi është një katastrofë e madhe. Ata janë të papërgjegjshëm. Lufta e vërtetë kundër virusit është një luftë kundër atyre që e transmetojnë atë. Pas dhjetëra botimesh në revista shkencore ndërkombëtare, unë jam i habitur kur dikush ka akoma guxim të argumentojë se asimptomatikat nuk janë problem.”
Kështu që virologu tregon çfarë duhet bërë.
“Ndjekja dhe parandalimi, këto duhen ndjekur. Të gjitha programet që kanë qenë të suksesshme në luftimin e virusit, bazohen në gjurmimin e asimptomatikëve. Kina bëri 9 milionë tamponë vetëm për të gjetur asimptomatikët.”- thotë mikrobiologu.
