Trajneri Challandes, nuk e grumbulloi në sfidat e fundit, teksa Bernard Berisha i “përgjigjet” me gola. Ish-futbollisti i Besës së Kavajës dhe Skënderbeut në Kategorinë Superiore, ka gjetur sërish rrugën e rrjetës me klubin rus të Akhamt Groznit.
29-vjeçari realizoi golin e tretë në kampionat në këtë javë të 12-të, në përballjen ndaj Ufa-s. Në minutën e 14-të, shqiptari i Kosovës, fitoi një 11-metërsh, të cilën e shndërroi në gol po vetë.
Pjesa e parë u mbyll me avantazhin 1-0 të Akhmatit. Për sa i përket futbollistit të Kombëtares, Odise Roshi, ai nuk është preferuar nga trajneri si titullar në këtë përballje.
