Një i ri ka humbur jetën, si pasojë e therjes me thikë mbrëmë në një lagje të Gjilanit. Rastin e ka konfirmuar për Plus TV, zëdhënësi i policisë për Rajonin e Gjilanit, Ismet Hashani, i cili tha se viktima është një i ri 19-vjeçar.
“Një i ri është gjetur i therur me mjet të mprehtë në Gjilan, me lëndime të rënda është dërguar në spitalin e Gjilanit dhe pastaj për në QKUK-në Prishtinë, nga atje kemi marr informatës se i lënduari ka ndërruar jetë, nuk ka mundur t’i shpëtojë plagëve të marra”, tha Hashani.
Ai ka konfirmuar se organet policore janë duke hetuar këtë rast dhe nuk ka ende të arrestuar.
Ende nuk dihen rrethanat në të cilat ka ndodhur ngjarja, ndërkohë pritet hetimi i policisë të zbardh ngjarjen.
