Arratiset ish nënkryetari i “Agimit të Artë”, Kristos Papas, i njohur ndryshe edhe si “Hitleri grek”
Hetimet për gjetjen e tij janë shtrirë edhe në Shqipëri e Itali pasi sipas autoriteteve helene, nuk përjashtohet mundësinë që ai të ketë ikur në një vend fqinj.
Kërkime edhe në Shqipëri
Hetimet po zgjerohen në Shqipëri dhe Itali pasi policia nuk përjashton që ai mund të ketë ikur në një vend fqinj. Përveç kësaj, avokati i tij, Periklis Stavrianakis, në një intervistë për SKAI, nuk i’u përgjigj pyetjes nëse klienti i tij është apo jo në Greqi dhe theksoi se ai nuk ka folur me të, sepse nëse një gjë e tillë do të ndodhte, autoritetet do ta kishin më të lehtë për ta gjetur, raporton media helene.
Sipas Stavrianakis, Kristos Papas ishte vërtet nën vëzhgimin diskret të policisë, por arriti të shpëtonte.
Papas është dënuar me 13 vjet e 3 muaj burg ngaa gjykatat greke për pjesëmarrje në organizatë kriminale.
Ai është i njohur në Shqipëri edhe për deklaratat e tij pro Vorio-Epir.
“Vorio-Epir është një emërtim që daton në fillim të shekullit të kaluar, pra shekullit të XX, konkretisht pas vitit 1914. Për ne, historikisht nuk ekziston emërtimi Vorio-Epir në kuptimin se ka Epir Verior dhe Epir Jugor. Epiri është Një dhe për ne ekziston Një Epir që është grek dhe një pjesë e tij në këto momente ndodhet në duar të huaja, në duart e shtetit shqiptar”, do të shprehej vite më parë Kristos Papas.
Ndërsa do të bënte bujë edhe deklarata e tij se, “Shqiprëia nuk është shtet, Skënderbeu është grek dhe flamuri kuq e zi nuk është i shqiptarëve”.
KUSH ËSHTË KRISTOS PAPAS
Kristos Papas lindi në vitin 1962 në Athinë, ai është i pagëzuar me emrin e gjyshit që ishte prift, origjina e tij është nga fshati Lipa që i përket zonës së Lakka të Sulit, krahinë që historikisht është banuar dhe banohet nga arvanitas ose grekë me origjinë shqiptare.
Fshati Lipa, nga është origjina e vërtetë e familjes Kristos Papas, është themeluar si fshat midis shek. 16-17 nga suljotët dhe ndodhet 51 km larg qytetit të Janinës. Lipa ka rreth 50 banorë sot dhe i përket komunës së Sellon të Bashkisë së Janinës. Ka një kala të vjetër dhe një kishë.
Në vitin 1997 ai bashkë me familjen rikthehet në Janinë ku hapi një biznes për shitjen e mobilieve COCO-MAT.
Kristos Papas është babai i tre fëmijëve.
