Koreja e Veriut ka paralajmëruar qytetarët e saj që të qëndrojnë brenda shtëpive pas frikës se një “pluhur i verdhë” që po fryen nga Kina mund ta sjellë koronavirusin me të.
Rrugët e kryeqytetit të këtij shteti komunist, Pyongyangut, raportohet se ishin virtualisht boshe të enjten pas këtij paralajmërimi.
Nuk ka asnjë lidhje të njohur mes reve sezonale të pluhurit dhe Covid-19.
Sidoqoftë, Korea e Veriut nuk është i vetmi vend që ka sygjeruar një lidhje të tillë. Edhe Turkmenistani ka pretenduar se pluhuri mbante virusin dhe prandaj qytetarët po mbanin maskën.
Televizioni i kontrolluar nga shteti në Kore të Veriut në edicionin e motit paralajmëroi për një influks të pluhurit të verdhë që të nesërmen (të enjten). Po ashtu, aty u njoftua për një ndalesë edhe të punës së ndërtimtarisë.
