Kryetarja e LSI-së Monika Kryemadhi ka zhvilluar një takim me të rinjtë dhe të rejat në zyrat e Lëvizjes Socialiste për Integrim. Kryemadhi bisedoi gjatë me të rinjtë e LSI-së, ndërsa iu përgjigj edhe sulmeve të fundit të kryeministrit Edi Rama.
Ajo tha se Rama, me zullumet që vazhdon të bëjë, do të digjet në fund në tiganin e shqiptarëve. “Edi Rama të vazhdojë me këto zullume që bën. Le të vazhdojë, se te tigani i shqiptarëve do digjet”, u shpreh Kryemadhi.
Më herët gjatë ditës, në një aktivitet në Vlorë, Rama u shpreh: “O ju, o ne na qepen me tigan në dorë dhe thonë duam peshk. Ky është halli i përbashkët që do ta zgjidhim besoj. Ky është helmi i përditshëm, zhurma, çorodia, nëpër kanale, nëpër portale, por njerëzit nuk janë budallenj. Fatkeqësia e këtyre më e madhe është se i dinë njerëzit budallenj, por nuk i hanë këto lloj karremash për të përfunduar në tiganin e Monikës. Po nejse mos ta prishim tani. Po mirë ishte sa po mos me na marrë sysh kjo pjesë”.
