Moderatorja Fjoralba Ponari është në një lidhje me sportistin e xhudos, Françesko Baholli. Çifti e kanë mbajtur lidhjen e tyre larg vëmendjes së mediave dhe rrallë publikojnë foto me njëri-tjetrin.
Moderatorja bëri publike lidhjen me sportistin pak kohë më parë, duke publikuar një foto ku i mbulonte imazhin. Megjithatë brenda pak kohësh ai u identifikua si Françesko Baholli,një djalë simpatik, me pasion të madh për sportin e xhudos, por me profesion inxhinier software.
E ftuar në “Wake Up”, Fjoralba Ponari tregoi se u përpoq ta mbante të fshehtë identitetin për shkak se i dashuri i saj nuk është personazh publik.
“Unë me timen i ruajta identitetin. S’ka asgjë, unë e kam ndarë edhe herë tjetër. Se kam mbajtur sekret. Edhe në intervista e kam thënë publikisht,”- u shpreh ajo.
“Ke problem se ta marrin?”– e pyeti moderatorja e emisionit.
“E kam thënë nuk është problemi që ma marrin, por Françesko sepse tani e kanë marrë vesh të gjithë, thjesht nuk është personazh publik. Është natyrë introverse,”- iu përgjigj Fjoralba Ponari.
