Kanë përfunduar ndeshjet e natës së dytë të Ligës së Kampioneve. Ashtu si mbrëmjen e kaluar edhe sot janë luajtur 8-të takime, teksa janë shënuar plot 27 gola.
Kryendeshja e mbrëmjes ishte Bayern Munich-Atletico Madrid. Kampionët në fuqi të Europës e patën tepër të thjeshtë ndaj spanjollëve duke i mposhtur thellë 4-0.
Rezultati surprizë ishte humbja 2-3 e Real Madrid në shtëpi ndaj Shakhtar Donetsk. “Los Blancos” zhvilluan një pjesë të parë të dobët ku pësuan 3 gola. Në 45 minutat e dyta skuadra e Zidane, tentoi të rikuperonte por në fund nuk arriti të shmangte humbjen.
Interi është ndalur në një barazim 2-2 në shtëpi ndaj Borussia Monchegladbach. Në fakt zikaltërit kanë minimizuar dëmet pasi deri në minutën e 90-të po humbnin 1-2. Heroi i mbrëmjes për skuadrën e Contes, ishte Lukaku autor i një dygolëshi.
Në ndeshjet e tjera, Liverpool-i dhe Man.City e kanë nisur mbarë sezonin e ri, teksa kanë triumfuar në ndeshjet e tyre përkatësisht ndaj Ajax (0-1) dhe Porto (3-1).
Rezultatet mbrëmjes:
Ora:18:55
Real Madrid-Shakhtar Donetsk 2 – 3
Salzburg-Lokomotiv Moscow 2 – 2
Ora 21:00
Ajax-Liverpool 0 – 1
Bayern Munich-Atl. Madrid 4 – 0
Inter-B. Monchengladbach 2 – 2
Manchester City-FC Porto 3 – 1
Midtjylland-Atalanta 0 – 4
Olympiacos Piraeus-Marseille 1 – 0
