Bashkimi Europian do të rivendosë kufizimet e udhëtimit për personat që hyjnë në Bllok nga Kanadaja, Tunizia dhe Gjeorgjia, për shkak të shqetësimeve në lidhje me pandeminë e COVID-19, njoftuan sot diplomatët e BE-së.
“Udhëtarët nga Kanadaja, Tunizia dhe Gjeorgjia, të cilët deri më tani mund të hynin në Bllok, do të lejohen të udhëtojnë në BE vetëm nëse arsyet e udhëtimeve të tyre konsiderohen thelbësore”, raporton agjencia gjermane e lajmeve DPA.
Sipas udhëzimeve të rishikuara, të cilat ende duhet të kalojnë me shkrim, vetëm shtetasit nga Singapori, Australia, Japonia, Zelanda e Re, Ruanda, Koreja e Jugut, Tajlanda dhe Uruguaji, mund të hyjnë tani në Bllok pa kufizime.
Përjashtime janë planifikuar për qytetarët e BE-së dhe familjet e tyre që udhëtojnë nga vende shtetasve të të cilave nuk u lejohet ende të rihyjnë në Bllok.
