Ministrja e Shëndetësisë Ogerta Manastirliu, në rrjetin social “FB”, ka publikuar mesazhin e Eugena Tominit, shefe e Survejancës dhe Shërbimit të Inteligjencës Epidemike në Institutin e Shëndetit Publik. Tomini tregon ndryshimet që ka pësuar transmetueshmëria e koronavirusit.
“Trasmetueshmëria e virusit ka pasur luhatje e tij në këtë pandemi. Në fillimet e saj në efektin e karantinës transmetueshmëriua ka qenë me e ulët. Por duke pasur ndikimin e masave të rrepta dhe me lirimin e tyre në mënyrë graduale, transmetueshmëria edhe ka ndryshuar. Kjo lidhet direkt me grumbullimet masive, grumbullimet familjare apo shoqërore, por është e lidhur edhe me ndërhyrjen e lehtësimit të masave siç janë hapja e shkollave, bareve, restoranteve duhet të themi që të zbatojmë sa më mirë protokollet e autoriteteve shëndetësore pasi do të na ndihmojnë në zbutjen e qarkullimit të virusit dhe uljen e transmetueshmërisë së tij”, thotë Eugena Tomini.
