Një “mallkim” i mistershëm ndjek nga pas zgjedhjet amerikane. Prej mëse dy shekujsh, kush zgjidhet president i Shteteve të Bashkuara të Amerikës në vitet me 0, ka një fund të keq dhe nuk e mbyll kurrë mandatin.
Kjo ndodh me Shtëpinë e Bardhë në Uashington D.C. dhe që lidhet me numrin zero. Si ky aktuali, 2020. Koincidenca apo ka diçka që nuk shkon, kjo nuk dihet. Por faktet janë.
Ronald Reagan, zgjedhur në vitin 1980, shpëtoi për qime në limuzinën presidenciale kur mori plagë të rëndë arme zjarri më 30 mars 1981 gjatë një atentati. Dy truprojat e tij u vranë duke e shpëtuar.
Më herët, i zgjedhur më 1840, William Henry Harrison, vdiq nga polmoniti.
Kurse, Warren Harding, president i zgjedhur më 1920, vdiq tre vjet më pas nga një atak kardiak.
Franklin Delano Roosevelt mori mandatin e tretë më 1940 dhe vdiq më 1945 nga hemorragia cerebrale.
E në vijim vjen lista e të vrarëve: Abraham Lincoln, hyri në Shtëpinë e Bardhë më 1860, fu vra me pistoletë tek një teatër nga John Wilkes Booth;
James Garfield, zgjedhur më 1880, u vra në një stacion treni nga avokati i papunë Charles J. Gaiteau;
William McKinley, zgjedhur më 1900, u vra nga anarkisti me origjinë polake, Leon Czolgosz.
Dhe më i njohur nga të gjithë, John Fitzgerald Kennedy, zgjedhur më 1960, vrarë në rrethana edhe sot misterioze, në Dallas.
E tani, kemi 2020, madje me dy zero si vit dhe Shtëpia e Bardhë nuk ka se si mos të jetë e shqetësuar, shkruhet në shkrimin e Il Giornale në Itali, përkthyer nga noa.al.
Ka edhe një fakt tjetër. Reagan, një njeri supersticioz, ndryshoi numrin 666 të vilës së tij në Los Angeles, dhuruar nga miq të Hollywood, me numrin 668. Ai arriti moshën 93 vjeç.
Këtë vit elektoral, dy kandidatët janë Donald Trump, 74 vjeç dhe Joe Biden 77 vjeç, më të moshuarit në historinë presidenciale amerikane.
