Këngëtarja irlandeze, Sinead O’Connor vuan nga ‘agorafobia paralizuese’ dhe për këtë arsye e ka të pamundur të blejë ushqime.
53-vjeçarja ndau lajmin shqetësues me ndjekësit në dy llogaritë e saj në Twitter.
Pasi iu lut fansave që ta ndihmonim me ushqime, pasditen e së enjtes ajo bëri një tjetër postim ku shkroi: “Gjithçka është mirë tani. Gjeta ushqim, jam e ngopur dhe e lumtur.”
Aktualisht këngëtarja po jeton në një zonë të largët të Irlandës.
“Kam jetuar fshehurazi me një paralizë fizike, e lidhur me vetëvlerësimin e ulët përgjatë viteve, muajve dhe javëve të fundit. Por kohët e fundit nuk kam ngrënë. Kjo më ka bërë agorafobike, nuk mund të shkoj në dyqan. Po vdes nga uria. Aktualisht jetoj në një pjesë shumë të largët të vendit, ku nuk është e mundur shërbimi në shtëpi për të më sjellë ushqim,”- shkroi këngëtarja.
Agorafobia është kur njerëzit kanë frikë ekstreme për të qëndruar në vende të hapura ose të mbushura me njerëz, apo për tu dalë nga shtëpia.
