Zbulohet motivi i vrasjes së sotme të biznesmenit 51-vjeçar Niko Goro në Himarë.
Sipas raportimeve të para të mediave, atentatori, i identifikuar me emrin Kliti Leka, 53 vjeç, ka qëlluar me pesë plumba në drejtim të biznesmenit për shkak borxhesh.
Kliti Leka, me profesion elektriçist, ka bërë instalime elektrike në pallatin e biznesmenit 51-vjeçar, për të cilat mendohet se nuk është paguar.
Niko Goro aludohet se i ka 70 mijë euro borxh Kliti Lekës. Atentatori u vendos në pranga nga blutë e qytetit të Himarës në zonën e quajtur “Livadhet”, në kohë rekord.
Leka u arratis nga skena e krimit, zona e njohur si “Markata”, me një furgon tip “Volkswagen”.
LEXO EDHE:
https://boldnews.al/2020/10/17/foto-kush-eshte-biznesmeni-i-ekzekutuar-e-motra-e-plagosur-niset-drejt-spitalit-te-vlores/
