Ylli i Wrestling martohet në fshehtësi pas ndarjes së bujshme nga Nikki Bella

Mundësi, aktori dhe reperi i njohur, John Cena është martuar në fshehtësi të plotë me të dashurën e tij,  Shay Shariatzadeh në Tampa, Florida.

Mediat e huaja shkruajnë se çifti u lidhën në fillim të vitit 2019, pas ndarjes së bujshme të yllit të Wrestling me ish-të fejuarën, Nikki Bella në 2018-n.

John Cena dhe Shariatzadeh e bënë lidhjen e tyre serioze shumë shpejt dhe u panë në krahët e njëri-tjetrit, përgjatë gjithë vitit të kaluar.

TMZ shkruan se çifti u fejuan fshehurazi dhe më pas kërkuan një certifikatë martese në Florida në fillim të tetorit. Sipas dokumenteve zyrtare të siguruara nga TMZ, ata i thanë “Po” njëri-tjetrit në 12 tetor në një ceremoni të mbajtur në Tampa.

John Cena ishte në një lidhje me Nikki Bellan për afro 6 vjet, por ata u ndanë sepse ai nuk dëshironte fëmijë në atë kohë, ndërkohë që Nikki donte të krijonte familje. Pas ndarjes nga John Cena, ajo u lidh me Artem Chigvintsev dhe kanë një djalë së bashku.