Besimi në vetvete është një element kryesor në performancën e çdo futbollisti dhe Vinicius Jr duket se e ka gjetur atë te Real Madrid këtë sezon.
Trajneri i Real Madrid, Zinedine Zidane, po kërkon për partnerin perfekt për Karim Benzema në sulm dhe duket se ai lojtar mund të jetë braziliani i talentuar.
Ai aktualisht është golashënuesi më i mirë i ekipit dhe është një kërcënim i vazhdueshëm për kundërshtarët në repartin e sulmit. Vinicius shënoi golin e tij të parë në Real Madrid në sezonin 2018/19 kundër Real Valladolid në “Estadio Santiago Bernabeu”. Një ndeshje që u fitua nga “Los Blancos” 2-0. Në të njëjtin sezon ai shënoi golin e dytë në një fitore 3-0 ndaj Deportivo Alaves, asokohe vetëm 18-vjeçar.
Pak nga pak, braziliani fitoi famë në ekip dhe në sezonin e tij të dytë ai gjeti shënoi kundër Osasuna, Barcelonës dhe Majorkas , të gjitha në fitore 2-0. Gjatë këtij sezoni, golat kundër Valladolid – një fitore 1-0 – dhe Levante – fitore 2-0 – mbajnë të paprekur rekordin e tij mbresëlënës. Në 72 ndeshje për Real Madrid, Vinicius ka kontribuar gjithsej dhjetë gola dhe 14 asistime.
Gjatë kohës së Zidane në stolin e “Los Blancos”, 20-vjeçari ka qenë brenda dhe jashtë ekipit, teksa francezi ka preferuar lojtarë më me eksperiencë në formacionin e tij. Por pavarësisht kësaj, kur i jepet mundësia ai ende ka aftësinë të shkëlqejë.
Real Madrid dhe Vinicius Jr duan të vazhdojnë në këtë rrugë suksesi për të dyja palët, një të ngjashme me atë të bashkatdhetarit, Casemiro i cili shkëlqeu me fanellën e bardhë veçanërisht në Ligën e Kampioneve.
Me “El Classico-n” në horizont, dhe Eden Hazard jashtë fushës së lojës kundër ndeshjes ndaj Barcelonës, është Vincius ai që është zgjedhja e parë për vendin e krahut të majtë, teksa ai synon të vazhdojë në rrugën e tij fituese.
