Pesëmbëdhjetë persona janë proceduar penalisht nga policia e Tiranës, pasi morën pjesë në protestën e djeshme në Tiranë, kundër Aktit Normativ që detyron mbajtjen e maskës dhe në ambientet e hapura.
Po ashtu, ata janë gjobitur për mosmbajtje të maskës.
“Nga specialistët për Hetimin e Krimit në Komisariatin e Policisë Nr.2, filloi procedimi penal ndaj 15 shtetas, pasi ditën e djeshme në bulevardin ‘Dëshmorët e Kombit’, kanë organizuar dhe protestuar në kundërshtim me masat anti-covid. Gjithashtu në zbatim të Aktit Normativ, shërbimet e Policisë kanë proceduar me masat administrative përkatëse gjobë për 15 shtetasit”, njoftoi policia.
