Presidenti Ilir Meta ka zhvilluar një takim më ambasadoren franceze në vendin tonë, me rastin e përfundimit të detyrës së saj në Shqipëri.
Në një postim në rrjetet sociale, Meta bën me dije se në takim, “konfirmova se vendimi politik i Këshillit Europian i marsit për çeljen e negociatave të anëtarësimit është një mundësi historike për vendin tonë”.
“Theksova se, fatkeqësisht, Shqipëria është ende shumë larg përmbushjes së kushteve që kërkohen për zhvillimin e Konferencës së Parë Ndërqeveritare, me shkeljen brutale dhe të njëanshme nga ana e mazhorancës së Marrëveshjes konsensuale të 5 Qershorit. Por unë do t’i jap edhe një mundësi të fundit Parlamentit një partiak për të respektuar Marrëveshjen pas kërkesës publike të Partisë Popullore Europiane”, shton kreu i shtetit, duke nënkuptuar kthimin në parlament të ndryshimeve të njëanshme në Kodin Zgjedhor.
