Disa drejtues dhe inxhinierë të Autoritet Rrugor Shqiptar në Durrës janë vënë në pranga nga policia. Arrestimet janë bërë nga policia mëngjesin e sotëm, me urdhër të prokurorisë së rrethit.
Burime bënë me dije se arrestimet erdhën pas hetimeve që zbuluan shpërdorimin e detyrës nga punonjësit e ARRSH-së, që llogaritet se i kanë shkaktuar buxhetit të shtetit një dëm prej mbi 200 milion lekë të vjetra.
Operacioni është ende në zhvillim, ndërsa mësohet se në kërkim është shpallur dhe një biznesmen.
Një njoftim zyrtar pritet nga policia lidhur me aksionin.
