Personi në foto është shqiptari i dyshuar për vrasjen e ish-parneres së tij ukrainase dhe të dashurit të saj të ri grek.
Sipas policisë, ai është i moshës 45 vjeç dhe ka qenë më parë i dënuar për drogë dhe grabitje.
Por që pas lirimit nga qelitë e burgut ai nuk kishte pasur më probleme me ligjin deri ditën e ekzekutimit me hanxhar të masazhistes 43-vjeçare, Fotini-Svetlana dhe farmacistit 42-vjeçar në Loutraki.
Siç raportojnë mediat greke, shqiptari e kishte planifikuar deri në detaje vrasjen e dyfishtë.
Ai kishte udhëtuar nga Mykonos në Loutraki, dy javë më parë, për të monitoruar nga afër lëvizjet e ukrainases, e cila i kishte kërkuar ndarjen.
Sipas hetimeve të policisë, shqiptare dhe 43 vjeçarja nuk ishin takuar më që nga koha kur jetonin të dy në Mykonos.
