Një plagosje me thikë ka ndodhur mesditën e sotme në Dropull të Gjirokastrës. I lënduari, një 55-vjeçar është transportuar në spital dhe ndodhet jashtë rrezikut për jetën. Ndërkohë, autori, është vënë në pranga.
Policia njoftoi se ambientet e një biznesi privat, Sh.D., 63 vjeç, banues në Gjirokastër, pas një konflikti të çastit për motive të dobëta, ka goditur me mjet të mprehtë shtetasin S.K., 55 vjeç, banues po në Gjirokastër.
“Strukturat e DVP Gjirokastër dhe shërbimet e Komisariatit të Policisë Gjirokastër, në bashkëpunim me shërbimet e Postës së Policisë Dropull, kanë shkuar menjëherë në vendin e ngjarjes dhe kanë vënë në pranga autorin e ngjarjes, shtetasin Sh.D., si dhe kanë sekuestruar në cilësinë e provës materiale mjetin e mprehtë (thikë). Shtetasi S. K. ndodhet në spitalin rajonal Gjirokastër, jashtë rrezikut për jetën”, njoftoi policia.
Materialet në ngarkim të shtetasit Sh. D. i kaluan Prokurorisë pranë Gjykatës së Shkallës së Parë Gjirokastër, për veprën penale “Plagosja e rëndë me dashje”, shtuan të njëjtat burime.
