Romanca e fshehtë që çoi në vrasjen e burrit dhe vjehrrës/ Jepet dënimi për nusen dhe të dashurin e saj
Gjykata e Vlorës dënoi me burg përjetë Kasem Pirjasin dhe me 35 vjet burg Hysnie Hoxhallarin, të cilët akuzohen për vrasjen e më pas djegien e bashkëshortit dhe vjehrrës së Hysnies.
Dënimi i tyre do të kryhet në një burg të sigurisë së lartë.
Në pretencës e saj, prokuroria kërkoi burg përjetë për të dy të akuzuarit.
Krimi ndodhi më 22 janar të vitit 2018 ku Hysnie Hoxhallari në bashkëpunim me të dashurin e saj Kasëm Pirjasi vranë bashkëshortin dhe vjehrrën e Hysnies, Olsi dhe Selkie Hoxhallari.
Shkak i kësaj vrasje, sipas hetimeve, ishte lidhja e fshehtë që Hysnija kishte me Kasëmin. Krimi u raportua në polici nga vetë e pandehura Hysnie Hoxhallari e cila pasi ka dhënë dëshminë në policinë e Vlorës është kthyer në banesë duke dhënë dhe një intervistë në media, ku ka folur për ngjarjen e rëndë duke treguar se nuk dinte se ku kush mund ta bënte një gjë të tillë, dhe se gjithçka mund të kishte ndodhur për grabitje, pasi burri i saj Olsi Hoxhallari sapo ishte kthyer nga Greqia, ku punonte si emigrant sezonal.
Nga ana tjetër, mbrojtja e Hysnie Hoxhallarit, kërkoi pafajësinë për akuzën vrasjes në rrethana familjare, dhe trajtimin e saj të pandehur për fshehje të kësaj vrasje dhe moskallëzimit të krimit.
