Deputeti Lefter Maliqi ka komentuar aktualitetin në vend, teksa për kryeministrin Edi Rama thotë se është kthyer nga një kryemafioz, në “ritual vdekje”.
Teksa ka komentuar deklaratat e bërë në media një ditë më parë, se Rama mund të japë dorëheqjen para zgjedhjeve, Maliqi shprehet se akti nuk mjafton. Ai shton se Rama duhet të mbajë përgjegjësi penale për veprat e tij gjatë punës si kryeministër.
Në një postim në FB, Maliqi shkruan:
Kryemafiozi është kthyer në ritual ‘Vdekje’ – Kur dikush tallet ‘i Gjati do fitojë prapë’, shqiptarët ngrihen në këmbë dhe kapin drurin, ‘LARG QOFTË’ thonë.
Në ferr, Djalli që fiton medaljen e Heroit të Tradhtisë, Krimit, Korrupsionit e Grabitjes, quhet Edi Rama!
Të dashur miq!
Çdo mëngjes them; Sot, edhe një ditë më pak nga bashkëjetesa me të Keqen më të madhe të këtij vendi.
Dje, Kryemafiozi-Kryeministër u shfaq si korbi që ndjellë të keqen e jeton vetëm me të.
I veshur në të zeza, këmbë e kokë, edhe me maskë, (me të cilën kërcënon qytetarët me gjoba), më kujtoi mongolët në luftë me turqit.
Edhe veshja e tij e zezë, nuk është më e sterrosur se shpirti dhe mendja e këtij njeriu.
Veshja e tij e zezë, nuk krahasohet me të zezën që i ka bërë vendit për kaq vite.
Megjithatë, më gëzon fakti se më 25 Prill, në orët e vona, ky Kryemafioz do shpallet në kërkim për të paguar për të gjitha të zezat që i ka bërë këtij vendi.
Ky Kryemafioz, nuk mund të mbajë vetëm përgjegjësi politike, por duhet të mbajë edhe përgjegjësi penale, se kur vjen puna te ajo morale, nuk e njeh fare.
Po dëgjoja artikulime të tipit ‘Kryemafiozi do japë dorëheqjen 45 ditë para zgjedhjeve.
Dorëheqja e këtij njeriu nuk pi më ujë, ky njeri duhet të përgjigjet për shkatërrimin e Shqipërisë.
E vetmja mundësi për këtë njeri, është të dalë në shesh para shqiptarëve, të kërkojë falje publike, të dënohet nga i gjithë Populli me poshtërim publik, dhe pastaj të ngujohet në bunkerin e vetmisë së madhe në Surrel.
Por edhe kjo alternativ duhet diskutuar me Popullin, se ky i fundit nuk ia jepë as këtë shans.
Ky Kryemafioz u mburr mbrëmë se kishte folur me Kancelaren e nderuar gjermane, patjetër që ka folur, por është aq i nxirë në sytë e ndërkombëtarëve, saqë mjafton të kujtojmë kur qëndroi si ‘zorraxhi’ nëpër dyert e kancelarive të huaja, dhe nuk e priti askush.
Ky Kryemafioz shet ‘protokollet’ si vlerësime personale.
