Mbrëmjen e sotme u luajtën 5 sfida të vlefshme për Ligën e Kombeve, ku nuk munguan dhe surprizat.
Ukraina e drejtuar nga Andrij Shevçenko, mposhti Spanjën e Luis Enrikes, me rezultatin 1-0. Në stadium ishin te pranishëm afro 15 mijë tifozë, kjo pas vendimit të UEFA-s për lejimin deri në 30 % të kapacitetit të stadiumit.
Ndërkohë një përballje tepër emocionuese ishte dhe ajo mes Gjermanisë dhe Zvicrës, ku u shënuan plot 6 gola për 1 pikë.
Në sfidën tjetër atë mes Malit të Zi dhe Luksemburgut, hero u bë një futbollist me origjinë shqiptare, Daniel Sinani, i cili realizoi golin e fitores për kombëtaren luksemburgase.
