Një aksident me vdekje është regjistruar mbrëmjen e sotme në unazën e qytetit, në Elbasan.
Mësohet se një automjet tip “Golf” ka përplasur një këmbësore. Raportohet me dije se si pasojë e aksidentit ka humbur jetën kalimtarja, rreth 25-vjeçe.
Sakaq, drejtuesi i automjetit me iniciale G.A., është shoqëruar nga policia.
“Në unazën e qytetit Elbasan, mjeti tip ‘Volkswagen’, me drejtues shtetasin G.A.,banues në Elbasan, si pasojë e motit të keq ka humbur kontrollin e mjetit dhe ka perplasur një shtetase e cila ishte këmbësore dhe për pasojë ka humbur jetën. Drejtuesi i mjetit është shoqëruar në Komisariatin e Policisë Elbasan, për veprime të mëtejshme. Grupi hetimore ndodhet në vendngjarje dhe po punon për dokumentimin e plotë të ngjarjes”, njoftoi policia.
