Këngëtari Adriano Çelentano me anë të një video në rrjete sociale iu është drejtuar të rinjve që nuk i respektojnë rregullat e distancës shoqërore dhe në të cilën ai dhe njëherë falenderon mjekët që siç shprehet ai ‘na kanë mbajtur për dore’.
“Hej djema. Unë mendoj se ka ardhur koha për të na dhënë një lëvizje. Ju bëj thirrje të gjithëve në veçanti të rinjve. Duhet të më falni por është diçka që dhe unë e kam menduar gjithmonë kur isha i ri fizikisht si ju. Sot unë jam 82 vjeç dhe ti duhet të më mbash në krahë dhe të më ledhatosh siç bën me fëmijët e vegjël sepse vetëm duke më ledhatuar ju do të jeni në gjendje t’i shmangeni budallallëqeve kolosale që thonë mohuesit.
Për fat të mirë ka mjekë, nëse ato nuk do të ishin aty për të mbajtur në duar, situata do të ishte shumë dramatike. Pra mohuesit e vërtetë janë ata të rinj që pa maskë mundohen të ekspozojnë provën e forcës, ju mblidheni në grumbuj të rrezikshëm pa asnjë distancë minimale. Dhe e quani këtë guxim? Jo. Kjo është çmenduri e pastër masive. Sigurisht që nuk duhet të përhapim panik, siç mjekët me të drejtë thonë, ne duhet të dalim nga shtëpia, të mos ndalojmë së studiuari, të punojmë, të bëjmë gjithçka sikur virusi të mos ekzistonte, sepse nëse ekonomia bie, ne jo vetëm që do të vdesim nga viruset, por edhe nga uria.
Pra ne kemi një qëllim për të arritur. Ndoshta më i rëndësishmi në histori. Sepse do të jetë ai i fitores. Dhe ne e dimë mënyrën për të fituar: ne duhet të respektojmë 100% rregullat e treguara nga Organizata Botërore e Shëndetësisë. Ne duhet. Nuk keni ide se çfarë mund të na ndodhë na grumbullimet. Por unë ju besoj!”
