171 raste të reja me koronavirus nga 952 testime dhe 4 humbje jete janë shënuar në 24 orët e fundit në vend.
85 janë shëruar, ndërsa rastet aktive janë 5 561. 244 pacientë janë në spitale, 14 në terapi intensive, nga të cilët 5 pacientë janë të intubuar.
Që nga shfaqja e virusit në vend, sipas statistikave të Ministrisë së Shëndetësisë, 15 570 persona janë prekur, nga 99 598 testime të kryera. Të shëruar, në total, janë 9 585 pacientë. Ndërsa 424 të infektuar kanë humbur jetën.
Rastet e reja
Ministria e Shëndetësisë njoftoi se, në 24 orët e fundit, janë kryer 952 testime nga të cilët kanë rezultuar pozitivë 171 qytetarë të prekur nga virusi SARS-COV2.
Rastet pozitive të konfirmuara në 24 orët e fundit janë identifikuar në këto bashki: 41 raste në Tiranë, 18 raste në Durrës, 14 raste në Lushnje, 11 raste në Fier, 8 raste në Librazhd, 7 raste në Berat, Gjirokastër, Kuçovë, 6 raste në Shkodër, Korçë, 5 raste në Elbasan, Vlorë, Mallakastër, Skrapar, 4 raste në Tepelenë dhe Përrenjas, 3 raste në Krujë dhe Bulqizë, 2 raste në Mirëditë, Tropojë, Mat, Malësi e Madhe, Peqin, 1 rast në Kukës dhe Patos.
4 viktima
Në 24 orët e fundit, e kanë humbur betejën me COVID19, 4 qytetarë, një 64 vjeçar nga Shkodra, një 66 vjeçare nga Pogradeci, një 71 vjeçar nga Skrapari dhe një 78 vjeçar nga Përmeti.
Të shëruarit dhe situata në spitale
Janë shëruar 85 qytetarë, duke e çuar në 9585 numrin e të shëruarve në vend që prej fillimit të epidemisë.
Aktualisht, në spitalin Infektiv dhe “Shefqet Ndroqi” po trajtohen 244 pacientë, 14 në terapi intensive, nga të cilët 5 pacientë janë të intubuar.
Shpërndarja gjeografike e rasteve aktive sipas qarqeve, sipas MSH:
- Tiranë 2855
- Durrës 593
- Shkodër 414
- Korçë 291
- Lezhë 273
- Elbasan 231
- Fier 264
- Vlorë 199
- Kukës 153
- Berat 145
- Dibër 82
- Gjirokastër 61
Apeli
Ministria e Shëndetësisë dhe Mbrojtjes Sociale ju bën thirrje qytetarëve të respektojnë masat për parandalimin e infeksionit SARS COV2.
“Ju lutemi mbani detyrimisht maskë/barrier mbrojtëse, kujdesuni për higjenën personale, ruani distancimin fizik. Nga data 15 tetor maska ose barriera mbrojtëse prej tekstili bëhet e detyrueshme edhe në ambientet e hapura jashtë shtëpisë, në mënyrë që të minimizohet përhapja e infeksionit. Ministria e Shëndetësisë dhe Mbrojtjes Sociale fton të gjithë qytetarët që ta bëjnë pjesë të sjelljes tyre të përditshme mbajtjen e maskës për të mbrojtur veten dhe të afërmit e tyre. Kontaktoni me mjekun e familjes ose telefononi Urgjencën Kombëtare në numrin 127 nëse dyshoni se ju apo një i afërmi juaj është i prekur nga COVID19. Telefononi në linjën e gjelbër falas 0800 40 40 për të kontaktuar mjekun e familjes, për sherbim psikologjik te specializuar dhe të sigurt si dhe për çdo informacion tjetër rreth COVID19” njofton MSH.
