Është mbyllur gara e çmimit të madh të Gjermanisë, ku triumfues ka dalë piloti britanik, Lewis Hamilton.
Piloti i Mercedez, i ndihmuar edhe nga tërheqja e shokut të tij të skuadrës, Bottas, dominoi këtë garë dhe në fund e mbylli në P1, duke barazuar një rekord historik.
Kjo ishte fitorja e 91-të në karrierë për Hamilton, i cili barazoi rekordin legjendar të Michael Schumacher pikërisht në vendlindjen e tij, Gjermani.
Një arritje fantastike për 35-vjeçarin që në garat në vazhdim do të ketë mundësinë që të shkëputet i vetëm për sa i përket numrit të garave të fituara.
Për tu rikthyer te gara e sotme, podiumi u plotësua nga Verstappen i Red Bull dhe Daniel Ricardo, po ashtu pilot i Red Bull. Tjetër garë për t’u harruar për Ferrarin, me Leclerc që u rendit i shtati, ndërsa Vettel nuk u rendit as në Top10.
