Një ditë pas gjetjes së trupave të pajetë të Klement Pepajt dhe Vilson Çutaj në Malësi të Madhe, policia ka arrestuar Rrok Pepajn, babain e Danjel Pepajt. Ai dyshohet se kishte dijeni për ngjarjen e rëndë dhe mund të ketë fshehur krimin.
Të dy të rinjtë, të cilët rezultonin të zhdukur që prej 3 Tetorit, u gjetën mesdrekën e së enjtes dhe raportohet se ishte pikërisht Rrok Pepaj, ai që e çoi policinë pranë parcelave me kanabis, ku u gjetën pajetë 2 djemtë.
Viktimat kishin shenja plumbash në trup, që konfirmon se janë vrarë me armë zjarri dhe personi i dyshuar është Danjel Pepaj, i cili është zhdukur pa lënë gjurmë. Krimi dyshohet se ndodhi pas një konflikti për drogën.
