Kryetare e Lëvizjes Rinore për Integrim, Floida Kërpaçi, përmes një postimi në FB, shprehet se të votosh Rilindjen do të thotë të shpopullosh vendin.
Ajo sjell në kujtesë se, Shqipëria është vendi i parë në Ballkan dhe vendi i dyti në botë për numrin azilkërkuesve.
“Të votosh rilindjen do të thotë të shpopullosh Shqipërinë! Sot jemi vendi i parë në Ballkan dhe vendi i dytë në botë për numrin azilkërkuesve nga vendi ynë! Pjesa më e madhe e atyre që po ikin janë të rinj. 78% e totalit të aplikimeve për këtë periudhë ishin deri në 34 vjeç. Rilindja po punon çdo ditë që të jemi kampionat e azilkërkuesve në Botë! Për rininë e nesërmja fillon sot! Ky mision është kombëtar për të shpëtuar dhe çliruar vendin nga një bandë që ka shkatërruar ekonominë, arsimin, shëndetësinë dhe ka vrarë besimin te vendi ynë. Rilindja jo vetëm nuk do të votohet por do të ndëshkohet dhe do të mbaj përgjegjësi për strategjinë antiShqiptare që ka çuar vendin në këtë situatë. 25 prill është dita e fitores së familjeve, atdheut dhe të ardhmes sonë në Shqipëri me arsim cilësor, punësim të mirëpaguar dhe dinjitet”, shkruan ajo.
