Këtë të Premte, socialistët do të mbledhin Asamblenë Kombëtare, e shtyrë në kohë për shkak të pandemisë. Mbledhja nis nga ora 15:30 dhe zhvillohet në ambientet e Amfiteatrit te liqeni artificial në kryeqytet.
Disa orë para fillimit të aktivitetet, në media ka pasur raportime se mund të ketë ndryshime në kabinetin qeveritar.
Referuar raportimeve mediatike, janë dy ministra që pritet të shkarkohen nga detyra: ai i Bujqësisë Bledi Çuçi dhe ministri i Brendshëm Sandër Lleshaj. Ndërkohë, nuk dihen ende emrat që do të jenë pjesë e kabinetit qeveritar, në rast largimi të dy ministrave Çuçi dhe Lleshaj.
