Policia e Tiranës arrestoi një 21-vjeçar palestinez, i cili akuzohet se ka plagosur me thikë një 17-vjeçar maroken.
Sipas policisë, ngjarja u shënua në bulevardin “Bajram Curri”, ndërsa dyshohet se konflikti ka ndodhur për motive të dobëta.
“Specialistët për Hetimin e Krimit në Komisariatin e Policisë Nr. 3 bënë arrestimin në flagrancë të shtetasit palestinez I. H., 21 vjeç, pasi në bulevardin “Bajram Curri”, pas një konflikti për motive të dobëta, ka plagosur me mjet prerës (thikë), një shtetas të mitur 17-vjeçar (maroken)”, thuhet në njoftimin e sotëm të policisë.
