Vetëm një fitore. Kaq i mjafton Lakers për t’u shpallur kampion në NBA. Skuadra nga Los Angeles mundi për të tretën herë në ndeshjet finale, Miami Hit dhe tashmë është shumë pranë kurorëzimit.
Lakers fitoi në shifrat e ngushta 102-96 duelin e katërt të finaleve. Për skuadrën kaliforniane shkëlqyen të zakonshmit, LeBron James dhe Anthony Davis.
“Mbreti” e mbylli takimin me 28 pikë, 8 asist dhe 12 rebound, ndërsa nga ana tjetër Davis arriti statistikat 22 pikë, 9 rebound, 4 asiste dhe arriti të bllokojë gjuajtjet e kundërshtarëve 4 herë.
