Sezoni i ri i Portokalli nisi me ndryshime të shumta, me mungesa aktorësh dhe një regjisor të ri. Pas 17 vitesh si udhëheqës i spektaklit të humorit, Altin Basha dha dorëheqjen pasi i ishin hequr shumë kompetenca. Vendin e tij e zuri Indrit Çobani, i cili është aktor në Teatrin Kombëtar, si dhe ka qenë regjisor i dhjetëra emisioneve televizive më parë.
Së fundmi, aktori Julian Deda i ka hedhur një thumb ish-regjisorit të spektaklit të humorit me anë të një postimi në Istagram.
“Bravo Altin, pas 17 vitesh eksperiencë pune si regjisor, më në fund ja arrite qëllimit, u bëre asistent regjisor. Hallall plako”, ka shkruar Deda në Instagram.
Kujtojmë që debatet mes Julian Dedës dhe Altin Bashës kanë nisur shumë kohë më parë. Para disa vitesh, Juli fajësoi regjisorin për të gjitha largimet, duke u shprehur se kanë pasur probleme me të dhe njerëzit që i qëndronin Bashës afër.
