Nëntë persona u arrestuan në kuadër të operacionit policor anti-drogë “Ricavo”, të zhvilluar njëkohësisht në Itali dhe Shqipëri.
Në shtetin fqinjë u vunë në pranga tetë persona, ndërsa në vend tonë u arrestua një i ri.
Aksioni
Burime zyrtare nga Policia e Shtetit bënë me dije se, në orët e para të mëngjesit të sotëm, si rezultat i bashkëpunimit mes ZQK Interpol Tirana, Departamentit të Policisë Kriminale, DVP Vlorë dhe Zyrës së Oficerëve Ndërlidhës në Ambasadën Italiane (misioni INTERFORZA), u zhvillua operacioni policor i koduar “Ricavo”.
Në zbatim të urdhër-arresteve të lëshuara nga zyra e Prokurorisë e Arezzo-s dhe si rezultat i veprimeve policore të mirëkoordinuara mes palëve, u arrestuan në Itali 8 shtetas italianë, ndërsa në vendin tonë, u arrestua nga DVP Vlorë, me qellim ekstradimin drejt Italisë, shtetasi shqiptar R.B., 26 vjeç.
Operacioni “Ricavo”, i iniciuar nga strukturat e Karabinierëve të San Gionavvi Valdarno dhe Prokuroria në Arezzo, Itali, pati si qëllim goditjen e një grupi të organizuar kriminal, të përbërë kryesisht nga shtetas italianë dhe shqiptarë, me aktivitet trafikimin ndërkombëtar të narkotikëve.
“Vazhdojnë veprimet hetimore për dokumentimin e plotë të veprimtarisë së paligjshme të këtij grupi të strukturuar kriminal”, shtuan të njëjtat burime.
Ndërkohë, autoritet italiane deklaruan se operacioni, në Mars 2018, ndërsa grupi merrej me shpërndarje kokaine dhe marijuhane, në Arezzo.
