Pas kalvarit të vuajtjeve që ka kaluar për ti ardhur në ndihmë fëmijëve të tij të cilët janë të sëmurë, Lulzim Mirakës i është përgjigjur “spitali Hygeia”.
Burri nga Gramshi dergjej rrugëve e spitaleve publike të Tiranës që prej fillimit të vitit, por pa mundur që të shëronte dy fëmijët e tij. Ai ka kontaktuar me drejtues të institucioneve në vend dhe përfaqësues të organizatave të bamirësisë, por siç tregon, nuk ka marrë të paktën një përgjigje.
Më në fund, dikush i ka ardhur në ndihmë.
Pas publikimit të historisë së dhimbshme në rrjetet sociale nga gazetarja Nikoleta Kovaçi, Drejtoresha e Marketingut në spitalin “Hygeja”, Oriela Cano ka kërkuar një kontakt të zotërisë për ti ardhur në ndihmë. Kontakt që e ka marrë dhe tanimë fëmijët e Lulzim Mirakës po trajtohen në spitalin “Hygeia”.
