Bukurosh Maulta, drejtori i burgut të Peqinit, është shkarkuar nga detyra me urdhër të Ministres së Drejtësisë, Etilda Gjoni. Motivacioni ka qenë keqmenaxhimi i situatës në burg.
Kujtojmë se prej disa ditësh, më shumë se 100 të dënuar në burgun e Peqinit, janë futur në grevë urie, pasi kundërshtojnë masat e mara në kuadër të parandalimit të përhapjes së Covid, si ndalimi i takimit të familjarëve. Të burgosurit kërkojnë po ashtu amnisti dhe rishikim të dënimeve.
Për të arritur qëllimin e tyre, të burgosurit i kanë dërguar një letër presidentit Ilir Meta, kryeministrit Edi Rama, kryeparlamentarit Gramoz Ruçi dhe ministres së Drejtësisë, Etilda Gjonajt. Po kështu, të burgosurit kanë zhvilluar një takim edhe me një grup nga Drejtoria e Përgjithshme të Burgjeve dhe përfaqësues të Avokatit të Popullit.
