Sulmuesi i Liverpool, Xherdan Shaqiri ka rezultuar pozitiv me koronavirus, ka konfirmuar Federata zvicerane e futbollit.
Kombëtarja zvicerane është grumbulluar për ndeshjet e radhës në Ligën e Kombeve dhe e gjithë skuadra dhe stafi teknik i janë nënshtruar testeve të Covid-19.
Në daljen e përgjigjeve, 28-vjeçari është infektuar dhe tashmë do të ndjekë të gjithë protokollet mjekësore si dhe do të izolohet deri në testin e tij të radhës pas disa ditësh.
Kështu, Shaqiri nuk do të jetë i gatshëm për ndeshjet e Zvicrës, teksa ndeshja e parë është të shtunën.
