Deputeti Damian Gjiknuri foli pas pëprlasjes me ligjvënësin tjetër Halit Valteri. Në një prononcim për gazetarët, ai ka mohuar akuzat e bëra nga Valteri se e ka kërcënuar atë dhe se mazhoranca ka blerë deputetë për të kaluar ndryshimet që votohen sot për Kodin Zgjedhor.
Ai tha se është një aksident historik që Valteri ndodhet në Kuvend, duke ju referuar marrjes së mandatit të tij si deputet.
“Janë aksidente historike. Pse duhet ta kërcënoja unë atë. Deputetët dhe komunikojnë. S’jam këtu të merrem me Valterin, çdo parti ka qëndrimet e veta politike. Më vjen keq që debati politik të kalojë në çështje personale. Unë s’merrem me histori çfarë i thashë dhe çfarë më tha. Disa njerëz janë mërzitur dhe nuk dinë të menaxhojnë emocionet e tyre”, tha mes të tjerash Gjiknuri në prononcimin për gazetarët jashtë ambienteve të Kuvendit.
Lexo edhe:
VIDEO+FOTO/ “Qen bir qeni”, Gjiknuri-Valteri, përplasja jashtë Kuvendit. Kërcënohen e shahen
