Kryetari i PD-së, Lulzim Basha deklaron se votimi i ndryshimeve në Kodin Zgjedhor shkatërron konsensusin e 5 qershorit.
“Akti i sotëm antikushtetues shkatërron konsensusin e 5 qershorit dhe godet rëndë integrimin europian të vendit. Rama e hodhi hapin e fundit drejt greminës. Por, ai nuk do ti marrë dot me vete Shqipërinë dhe shqiptarët. Asgjë nuk e shpëton dot atë nga humbja dhe ndëshkimi që e pret”, shkruan Basha në një postim në Twitter.
Deputetët e mazhorancës dhe një pjesë e ligjvënësve të opozitës parlamentare bashkuan votat këtë të Hënë për të miratuar ndryshimet e propozuara nga mazhoranca, por të padakordësuara me opozitën.
