Kryetari i PD-së tha se pavarësisht ndryshimeve në Kodin Zgjedhor që mazhoranca pritet të votojë sot në parlament dhe pse opozita i kundërshton, “hajdutët s’ka gjë ti shpëtojë”.
I pyetur nga gazetarët, Basha tha se shkatërrimi i institucioneve është një nga arsyet pse banda që po qeveris e ka katandisur vendin dhe institucionet në këtë farë feje. Një nga këto institucione, shtoi, është dhe parlamenti.
Basha tha se nisma e mazhorancës tregon tmerrin dhe frikën e Ramës nga procesi zgjedhor, shtoi se s’ka formulë që e shpëton Ramën nga ndëshkimi i merituar popullor.
“Vetëm për efektin që ka pasur në litarin e fytit te familjet e bizneset shqiptare do largohet me votë plebishitare”, tha Basha.
Çdo ndryshim në kundërshtim me Kushtetutën dhe rekomandimet e ODHIR do kontestohet, por Rama do largohet, shtoi kryedemokrati.
