Greva e urisë së naftëtarëve të Ballshit hyri sot në ditën e tetë.
Naftëtarët në grevë shprehen se gjendja e tyre shëndetësore po rëndohet ndërkohë që ata akoma nuk po marrin një përgjigje për kërkesat e tyre.
“Kemi dhimbje koke, këputje dhe stres të madh nga fakti që ende nuk po marrim një përgjigje, qoftë edhe një përgjigje negative”, tha një prej tyre, në një prononcim për gazetarët.
Ato thonë se “nuk ka kthim mbrapa pasi po kërkojnë një të drejtë që po u mohohet”.
Naftëtarët kërkojnë pagat e prapambetura dhe rinisjen e punës së rafinerisë.
