Si pasojë e të reshurave të shiut që kanë shkaktuar përmbytje në një pjesë të kufirit ndërmjet Francës dhe Italisë, dy persona kanë humbur jetën dhe 25 të tjerë janë zhdukur.
Stuhia e quajtur Aleks ka shkatërruar disa fshatra përreth qytetit Nice në Riverën Franceze, shkruan Reuters.
Kryebashkiaku i Nice, Christian Estrosi, e ka quajtur këtë si përmbytjen më të madhe për për më shumë se një shekull.
“Rrugët dhe rreth 100 shtëpi janë shkatërruar”, ka thënë ai në kanalin francez të lajmeve BFM.
