Teksa nga autoritetet propagandohet për një luftë të ashpër kundër kultivimit të bimëve narkotike, gazetari Artan Hoxha sjell fotografi të një sipërfaqe të lulëzuar me hashash.
Në dy postime në profilin e tij në FB, ai publikon pamje nga një sipërfaqe e mbjellë me kanabis, për të cilën thotë se ndodhet në veri të vendit.
“Me kasketë të vjetër, në kanabisin e ri.. Në pyjet me kanabis ka jetë. Pershëndetje zoti kryeministër. Nën kujdesin e veçantë të qeverisë suaj, Shqipëria e ka te garantuar edhe për një vit tjetër, brand-in e saj europian, Made in Albania… Si asnjëherë më parë, çmimi për kilogramë ka thyer rekord. Nga 1300 euro deri 1600 euro për kg, në varësi të cilësisë, me blerje direkt në fund të parcelës”, shkruan në komentin që shoqëron fotot.
“A kemi zgjedhje përpara apo jo”, e mbyll reagimin gazetari.
Kujtojmë se mazhoranca është akuzuar shpesh se me lidhje me grupe kriminale dhe para të gjeneruara nga shitja e drogës ka blerë zgjedhjet e fundit parlamentare.
Në një postim të dytë në FB, gazeari pubkikon dhe një video, krahas së cilës shkruan mes të tjerash: Plot mor plot, u thye “bredhi” nga boçet, aq i mbarë është prodhimi… Dhe pastaj thoni, pse në Shqiperinë ku popullsia zvogëlohet, papunësia rritet, rroga e administratës mbetet qesharake, industria e ndërtimit vetëm lulëzon, ndërsa çmimi i apartamenteve dhe lokaleve luksoze, vetëm rritet…
