Ergys Kaçe është larguar nga PAOK-u dhe ka firmosur për Arisin e Selanikut.
27-vjeçari ka firmosur një kontratë 2-vjeçare me klubin e ri, i cili si për ironi të fatit është rivali i përjetshëm i PAOK-ut, ish-klubit të mesfushorit të Kombëtares kuqezi.
Aris dhe PAOK janë të dyja skuadra të Selanikut, teksa shquhen për derbin e zjarrtë.
Mesfushori gjatë prezantimit me fanellën verdhezi u shpreh:
“Po vij në një ekip të madh. Jam i lumtur që do të vazhdoj karrierën time tek Aris. Erdha në një ekip të shkëlqyer dhe me tifozë kërkues. Premtoj se do të jam 100 % për të justifikuar besimin e drejtuesve dhe së bashku me shokët e skuadrës të arrijmë qëllimet tona. Mezi pres të luaj me ekipin tim të ri”.
