Mbretëresha Elizabeta II udhëtoi në Norfolk për të kaluar kohë me Princin Philip, pasi përfundoi pushimet në Kalanë Balmoral, shkruan Express.co.uk. Ajo është fotografuar teksa ngiste një “Range Rover” të zi.
Për shkak të pandemisë së koronavirusit, Mbretëresha është detyruar të përshtatet me kufizimet e udhëtimit dhe udhëtoi për në pronën Sandringham, me qendër në Norfolk, në fillim të këtij muaji pasi kishte kaluar pushimet vjetore verore në Balmoral.Sidoqoftë, lëvizja është vetëm e përkohshme. Të dy mbretërit do të duhet të lëvizin nga Sandringham në Kalanë Windsor në tetor.
Zëdhënësi tha: “Në varësi të finalizimit të programit të vjeshtës, qëllimi i Madhërisë së saj është që të kthehet në Kështjellën Windsor në tetor dhe të rifillojë përdorimin e Pallatit Buckingham për audienca dhe angazhime të zgjedhura. Këto plane do të mbahen nën shqyrtim dhe natyrisht do t’i nënshtrohen të gjitha udhëzimeve dhe këshillave përkatëse”.
Sandringham, në Norfolk, është pronë e mbretëreshës dhe është përdorur nga monarkët britanikë që nga shekulli i 19-të.
Ajo përdoret akoma shpesh nga familja mbretërore sot. Tradicionalisht, Sandringham është gjithashtu destinacion i familjes mbretërore për Krishtlindje dhe Vitin e Ri.
