Kina pretendon se Donald Trump ka ‘paguar çmimin’ për “lojën” që kë bërë me COVID-19, pasi Presidenti i SHBA-ve me bashkëshorten, Melania, sot të dy u testuan pozitivisht.
Redaktori i gazetës shtetërore “Global Times” reagoi ndaj diagnozës së Trump “me shaka”. Tabloidi i madh nacionalist shërben si zëri i Partisë Komuniste.
Gazetari i vjetër kinez reagoi ndaj lajmit me tallje, duke pretenduar se Presidenti Trump dhe zonja e parë po paguajnë çmimin për minimizimin e pandemisë së koronavirusit.
“Lajmi tregon ashpërsinë e situatës pandemike të SH.B.A.”, shkroi ai në Twitter.
Hu Xijin, kryeredaktori i Global Times, një tabloid i madh kinez dhe zëri i Partisë Komuniste Kineze, tha se Presidenti Trump dhe gruaja e tij ‘e kanë paguar “çmimin” e lojës për COVID-19.
Ai pretendoi se diagnoza zbuloi ashpërsinë e shpërthimit të koronavirusit në SH.B.A., dhe kjo do të sabotonte rizgjedhjen e ardhshme të Trump si President.
Kina e ka tallur kështu indirekt me anë të medias së saj, Donald Trump, pak orë pasi Presidenti i SHBA dhe zonja e parë Melania Trump, u deklaruan sot të dy pozitive për koronavirusin
Edhe ndihmësi i lartë i presidentit Hope Hicks gjithashtu kontraktoi virusin pasi udhëtoi me Trump në “Air Force One” dhe “Marine One” gjatë javës së fundit.
Tabloidi kinez ka kritikuar vazhdimisht Uashingtonin për trajtimin pas shpërthimit të koronavirusit.
Ai i cilësoi SHBA-të si një vend ‘barbar dhe lakmitar’ që ‘nuk kujdeset për humanizmin’ në një artikull të botuar në Qershor.
Gazeta pohoi gjithashtu se ‘qeveria e SHBA ka dështuar me njerëzit e saj dhe gjithashtu dështoi në botë’.
Trump, i cili është mburrur se si i solli tregjet amerikane në rekorde të larta, zbuloi se kishte marrë virusin përmes Twitter, pak para orës 7 të mëngjesit me kohën tonë lokale.
Presidenti amerikan është 74 vjeç, duke e vënë atë në rrezik më të lartë të komplikimeve serioze nga virusi, krahasuar me bashkëshorten. Një deklaratë nga mjeku i Shtëpisë së Bardhë tha që të ai dhe dhe zonja e parë janë ‘mirë aktualisht’, por nuk thanë nëse ndonjëri kishte simptoma të rënda.
Nëse Trump sëmuret seriozisht, ka procedura kushtetuese që do të lejonin Nënpresidentin Mike Pence të marrë pushtetin përkohësisht, vetëm disa javë para zgjedhjeve të 3 nëntorit.
Por nëse Trump vuan simptoma të lehta ose nuk ka simptoma, presidenti duhet të tregojë shërimin e tij si provë se virusi është një kërcënim më pak i rëndë nga sa besojnë shumë të tjerë dhe ai është në në gjendje për të vazhduar detyrën e lartë.
