Luftimet mes Armenisë dhe Azerbajxhanit kanë vijuar në ditën e pestë, ndërsa palët refuzojnë të tërhiqen, duke mos marrë parasysh thirrjet ndërkombëtare për bisedime.
Përleshjet më të ashpra midis forcave armene dhe azere në vite mbi rajonin e shkëputur u ndezën të dielën, duke lënë të vrarë nga të dy palët.
Zyra e prokurorit të përgjithshëm të Azerbajxhanit tha të enjten se bombardimet armene vranë një civil në qytetin e saj Terter, rreth 90 km nga Nagorno-Karabak, në mëngjes dhe dëmtoi rëndë stacionin e trenit atje.
Veçmas, ministria e mbrojtjes e vendit tha që forcat e saj kishin kryer “sulme artilerie dërrmuese kundër pozicioneve të forcave armene në territoret e okupuara”, gjatë gjithë natës, shkruan Aljazeera.
Në qytetin e Stepanakert në Nago-Karabak, i njohur gjithashtu si Khankendi, dy shpërthime u dëgjuan rreth mesnatës ndërsa bien sirenat, njoftoi agjencia e lajmeve AFP, duke shtuar se banorët pretenduan se qyteti ishte sulmuar nga dronët.
Zyrtarët etnikë-armenë në rajon përshkruan situatën brenda natës përgjatë vijës së frontit si “të tensionuar” dhe thanë që të dy palët shkëmbyen zjarr artilerie.
Autoritetet armene pretenduan gjithashtu se dy shtetas francezë që punonin si gazetarë për Le Monde u plagosën të Enjten gjatë bombardimeve nga forcat azere në qytetin Armen Martuni, në perëndim të rajonit të Nagorno-Karabak.
Presidenti i Armenisë tha se forcat e mbrojtjes ajrore të vendit rrëzuan katër dronë në provincat afër Jerevanit.
Megjithë presionin në rritje ndërkombëtar, kryeministri armen Nikoll Pashinyan dhe presidenti i Azerbajxhanit Ilham Aliyev e kanë hedhur poshtë idenë e mbajtjes së bisedimeve.
