Flokët tanë mund të përballojnë një tendosje prej 100 gramësh dhe kur janë të lagët bëhen 30% më të gjatë. Por, vetëm flokët e shëndetshëm e kanë këtë superfuqi.
Ju nuk mund ta dalloni me shikim të parë nëse floku është i shëndetshëm apo jo. Por ka mënyra për ta zbuluar dhe t’i riktheni në formë.
- Testi i folikulit
Për të kuptuar nëse flokët tuaj janë të shëndetshëm dhe se nuk duhet të shqetësoheni që po ju bien, së pari kontrolloni rrënjët e tyre. Thjesht bëj këtë:
-Shkul një fije floku, por sigurohu ta kapësh sa më afër kokës që rrënja të jetë akoma e bashkangjitur te floku.
-Kontrollo gjëndrën. Fundi normal i rrënjës së një fijeje duhet të jetë në formë llambe. Nëse floku është i shëndetshëm, patjetër që do ta vini re këtë. Nëse është i dobët ose pa ndonjë formë llambe, flokët kanë nevojë për kujdes.
I keni flokët e shëndetshëm apo jo? 4 mënyra si ta zbuloni!
Si ta parandaloni rënien e flokëve:
Ndiqni dietën mesdhetare. Një studim tregoi se redukton rënien flokëve. Mos i lidhni flokët bisht shumë fort, sidomos gjatë gjumit. Merrni dhe vitamina e minerale të veçanta.
- Testi i lagështisë
Kjo mat sa poroze janë flokët tuaj. Flokët e shëndetshëm janë mjaft të fortë, ndërsa ata të dëmtuar e thithin lëngun shpejt.
-Shkul disa fije flokësh nga pjesë të ndryshme të kokës, si maja, pjesa e pasme, nga secila anë.
-Hidhini fijet në një gotë me ujë. Fijet e shëndetshme do të rrinë në sipërfaqe, ato pak të dëmtuara do të zhyten pak, ndërsa ato të dëmtuara shumë do të fundosen plotësisht, informon dritare.net
I keni flokët e shëndetshëm apo jo? 4 mënyra si ta zbuloni!
Si t’i trajtoni flokët me porozitet të lartë:
Aplikoni lloje të ndryshme gjalpi ose vaji. Ndihmojnë në reduktimin e lagështirës që thithin flokët tuaj. Thajini flokët pas çdo larjeje, jo me të nxehtë. Vendosni uthull molle dhe aloe vera për të rregulluar ekuilibrin e pH.
- Testi i tërheqjes
Ky test ka për qëllim të kontrollojë elasticitetin e flokëve tuaj.
– Shkulni me kujdes një fije floku.
-Tërhiqeni butësisht në të dyja skajet. Nëse shtrihet dhe kthehet sërish siç ishte, është i shëndetshëm. Nëse këputet lehtë, është mjaft i dobët.
I keni flokët e shëndetshëm apo jo? 4 mënyra si ta zbuloni!
Si t’i riktheni elasticitetin flokut!
Thajeni në ajër. Përdorimi i nxehtësisë dëmton elasticitetin e tyre. Masazhojini flokët me vaj jojoba. Provoni të aplikoni pak mjaltë te fijet. Është kondicioner i shkëlqyeshëm natyral dhe do të ruajë lagështinë në flokët tuaj.
- Testi i porozitetit
Me këtë test, ju mund të përcaktoni gjendjen e kutikulës së flokëve për të parë nëse është dëmtuar apo jo.
-Fusni një fije floku mes gishtit tregues dhe të mesit.
-Fërkojeni me gishtërinj nga maja te rrënja. Nëse e ndjeni të ashpër, flokët janë të dëmtuar. Nëse është i butë, është i shëndetshëm.
I keni flokët e shëndetshëm apo jo? 4 mënyra si ta zbuloni!
Si t’i trajtoni flokët e dëmtuar!
Provoni një trajtim me keratinë. Lëmon flokët dhe u jep shkëlqim. Mos i lyeni shpesh, sidomos flokun kaçurrel. Mos i thani shpesh. Provoni t’i shpërlani me ujë orizi. Hulumtimet tregojnë se i mbron nga dëmtimi.
